അദ്ദിക്ർ

3: 19 ല്‍ വിശദീകരിച്ച പ്രകാരം സത്യമായ അദ്ദിക്ര്‍ സമര്‍പ്പിക്കുന്ന ഇസ്ലാം മാത്രമാണ് അല്ലാഹു തൃപ്തിപ്പെട്ട ജീവിതവ്യവസ്ഥ. ഇല്ലായ്മയില്‍ നിന്ന് ആകാശഭൂമികളെയും അവക്കിടയിലുള്ള മനുഷ്യരടക്കമുള്ള സര്‍വ്വ വസ്തുക്കളെയും ആറ് നാളുകളിലായി സൃഷ്ടിച്ച് സംവിധാനിച്ച്, അവയുടെ നിയന്ത്രണം ഏറ്റെടുത്ത അല്ലാഹുവിനെ ഇഷ്ടപ്രകാരമോ ഇഷ്ടമില്ലാതെയോ വണങ്ങുന്നവരും കീഴ്പ്പെടുന്നവരുമാണ് എല്ലാ ചരാചരങ്ങളും. വിവേകം നല്‍കപ്പെട്ട മനുഷ്യരില്‍ യഥാര്‍ത്ഥ അറിവായ അദ്ദിക്റില്‍ നിന്ന് ഈ കാ ര്യങ്ങളെല്ലാം മനസ്സിലാക്കി ബോധത്തോടെ 'അല്ലാഹ്' എന്ന സ്മരണയില്‍ നിലനില്‍ക്കുന്നവരാണ് വിശ്വാസികള്‍. എല്ലാ വസ്തുക്കള്‍ക്കും അവയുടെ നമസ്കാരരീതിയും അല്ലാഹുവിനെ വാഴ്ത്തേണ്ടരീതിയും പഠിപ്പിച്ചിട്ടുണ്ടെന്ന് 24: 41 ലും 17: 44 ലും പറഞ്ഞിട്ടുണ്ട്. ആകാശങ്ങളിലും ഭൂമിയിലുമുള്ള എല്ലാ ജീവജാലങ്ങളും മലക്കുകളും അഹങ്കരിക്കാതെ അല്ലാഹുവിന് സാഷ്ടാംഗ പ്രണാമം ചെയ്യുന്നുണ്ടെന്ന് 16: 49 ലും, ആകാശഭൂമികളിലുള്ളവയും അവയുടെ നിഴലുകളും സ്വയം വഴങ്ങിയോ നിര്‍ബന്ധ പൂര്‍വ്വമോ പ്രഭാതങ്ങളിലും പ്രദോഷങ്ങളിലും അല്ലാഹുവിന് സാഷ്ടാംഗ പ്രണാമം ചെയ്യുന്നുണ്ടെന്ന് 13: 15 ലും, ആകാശഭൂമികളിലുള്ളതെല്ലാം-സൂര്യനും ചന്ദ്രനും നക്ഷത്രങ്ങളും പര്‍വ്വതങ്ങളും മൃഗങ്ങളും അധിക മനുഷ്യരും ശിക്ഷ ബാധകമായ ധാരാളം പേരും (ആത്മാവ് പങ്കെടുക്കാതെ ശരീരം കൊണ്ടുള്ള നമസ്ക്കാരങ്ങളില്‍) അല്ലാഹുവിന് സാഷ്ടാംഗ പ്രണാമം ചെയ്യുന്നുവെന്ന് 22: 18 ലും പറഞ്ഞിട്ടുണ്ട്. പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള അമാനത്തായ അദ്ദിക്ര്‍ ആകാശഭൂമികളെയും പര്‍വ്വതങ്ങളെയും ഏല്‍പ്പി ക്കാന്‍ തുനിഞ്ഞപ്പോള്‍ അവ ആ ഉത്തരവാദിത്തം ഏറ്റെടുക്കാന്‍ വിസമ്മതിക്കുകയും അതില്‍ കുണ്ഠിതപ്പെടുകയും ചെയ്തു, എന്നാല്‍ മനുഷ്യന്‍ അത് ഏറ്റെടുത്തു, അവന്‍ വിഡ്ഢിയും അക്രമിയും തന്നെയായിരുന്നു എന്ന് 33: 72 ല്‍ പറഞ്ഞിട്ടുണ്ട്. അമാനത്തായ അതിനെ മൂടിവെക്കുകയും തള്ളിപ്പറയുകയും ചെയ്യുന്ന കപടവിശ്വാസികളെയും ഗ്രന്ഥം സമര്‍പ്പിക്കുന്ന വിധം അല്ലാഹുവിനെ അംഗീകരിക്കാതെ മുശ്രിക്കുകളായിത്തീര്‍ന്ന അനുയായികളെയും ശിക്ഷിക്കാന്‍ വേണ്ടിയും വിശ്വാസികളുടെ പശ്ചാത്താപം സ്വീകരിക്കാന്‍ വേണ്ടിയുമാണ് അദ്ദിക്ര്‍ അവതരിപ്പിച്ചിട്ടുള്ളതെന്ന് 33: 73 ല്‍ പറഞ്ഞിട്ടുണ്ട്. ഭൂമിയുടെ മുകളിലുള്ളതെല്ലാം നീക്കിക്കളഞ്ഞ് അതിനെ മാര്‍ബിള്‍ വിരിച്ചതുപോലെ തരിശാക്കുമെന്ന് 18: 8 ല്‍ പറഞ്ഞിട്ടുണ്ട്. ആകാശഭൂമികളിലുള്ളതെല്ലാം അല്ലാഹുതന്നെ അനന്തരമെടുക്കുമെന്ന് 19: 80 ലും, ആകാശഭൂമികളിലുള്ള എല്ലാ ഒന്നും നിഷ്പക്ഷവാന് അടിമപ്പെടാതിരിക്കുന്നില്ല എന്ന് 19: 93 ലും പറഞ്ഞിട്ടുണ്ട്. ഞാന്‍ നബിയും റബ്ബുമാണെന്ന് വാദിക്കുന്ന മുപ്പതാമത്തെ കള്ളവാദിയായ മസീഹുദ്ദജ്ജാലിനെ ഈസാ 'രണ്ടാമത് വന്ന്' വധിക്കുന്നതോടെ മുഹമ്മദിന്‍റെ സമുദായത്തില്‍ പെട്ട ഇതര ജനവിഭാഗങ്ങളെല്ലാം ഇസ്ലാമിനെ അംഗീകരിക്കുന്നതാണ്. അദ്ദിക്റിനെ അംഗീകരിക്കാതെ അറബി ഖുര്‍ആന്‍ വായിക്കുന്ന ഫുജ്ജാറുകളായ, 8: 22 ല്‍ പറഞ്ഞ ദുഷ്ട ജീവികളെ കല്ലുകളാലും മരങ്ങളാലും വിളിച്ചുപറയപ്പെട്ട് പ്രവാചകന്‍റെ സമുദായത്തില്‍ പെട്ട ഇതര ജനവിഭാഗങ്ങള്‍ വധിച്ചു കൊണ്ട് 4: 91; 5: 33; 9: 5, 123; 33: 60-61 സൂക്തങ്ങളുടെ കല്‍പന നടപ്പില്‍ വരുത്തുന്നതാണ്. അദ്ദിക്റിനെ സത്യപ്പെടുത്തി ജീവിക്കുന്ന ഒറ്റപ്പെട്ട വിശ്വാസിയുടെ ഇന്നത്തെ പ്രാര്‍ത്ഥനാ രീതിയും ജീവിത രീതിയും 7: 205-206 ല്‍ വിവരിച്ചിട്ടുണ്ട്. 3: 20-21; 4: 151; 8: 55; 25: 33-34; 51: 55-57 വിശദീകരണം നോക്കുക.